2 ka NPA suspect sa sulay nga pagpangsunog nailhan

79

Colonel Banzon gipanganlan ang mga NPA nga suspect sa pagpangsunog
Positibong nailhan ang duha sa lima ka mga armadong lalaki nga sakop sa rebelding New Peoples’ Army (NPA) nga misulay unta pagsunog sa backhoe didto sa Brgy. Baleguian, Jabonga Agusan del Norte.
Sa interview sa RMN DXBC Butuan giila ni Col. George Banzon, brigade commander sa 901st Brigade Phil. Army ang duha sa lima ka mga armadong lalaki nga sila si Marvin Bugas, residenti sa Brgy. Jagupit, Santiago Agusan del Norte ug si Eliamar Montir taga Purok 6, Sitio Tinago, Brgy. Baleguian, Jabonga Agusan del Norte.
Naila ang duha ka mga armado pinaagi sa intelligence report sa kasundaluhan ug impormasyon nga gipaabot sa mga sibilyan nga duol sa lugar samtang padayon pa usab nilang giila ang ubang mga kaubanan.
Tungod niini nag-awhag si Col. Banzon sa pamilya nila ni Bugas ug Montir nga tabangan aron motahan sa otoridad sanglit padayon sila’ng kawhaton sa kamot sa balaod sa sala nga sulay pagsunog sa backhoe.
Dugang pa sa opisyal nga dili lamang ang backhoe maoy target sa rebelding NPA nga sunugon kondili lakip ang padayon panghadlok sa mga mag-uuma nga sakop sa BUFEA nga gipangilkilan sa grupo.
Planong sunugon usab NPA ang warehouse ug rice tracer sa BUFEA nga dili mominos sa P13 milyon ang kantidad posibleng madanyos kung nadayon ang laraw sa rebelding grupo.

Facebook Comments