Davao City – Sa prisuhan na nilahos ang duha ka mga pasahero nga naharang sa Task Force Davao Lasang Checkpoint Huwebes sa gabie human kini makuhaan og gidiling droga.
Alas 6:45 sa gabie unang naaresto sa kasundaluhan ang suspek nga si James Bacus Pepito, 25 anyos, single and a resident of Blk. 16 Lot 3, Villaverde Subd., San Miguel, Tagum City.
Atol sa inspeksyon sa kasundaluhan nakuhaan og (8) grams sa Marijuana nga adunay estimated street value nga P1,000.00 ang suspek kinsa sakay og Bachelor Express nga bus nga gikan og Tagum.
Samtang, alas 7:30 sa gabie sikop pod ang 45 anyos nga si Florante Santander Mejorada nga taga- Brgy Communal, Buhangin District Davao City samtang sakay sa usa ka Public Utility Van gikan og Panabo.
Nakuha sa posisyon sa suspek ang usa ka tooter nga may residue sa shabu.
Gidala sa Task Force Davao ang mga dinakpan sa Bunawan PNP ug nagatubang na kini’g kasong may kalapasan sa RA 9165.
RadyoMaN Aimee Guinita
