2 ka persona ginluthang-patay sa Sibalom, Antique

Patay na sang masapwan ginabanta 5:30 kaina sang aga ang duha ka persona sa Sibalom, Antique.

Ini ang ginkilala kanday Nikki Latuga, 19 anyos sang Brgy. Bungsod, Sibalom kag John Villavert Atila, 32 anyos sang CerdeƱa St. San Jose Antique.

Ginpahayag nga sakay sa motorsiklo ang duha sang ginluthang sang wala pa makilala nga suspek.


Base sa inisyal nga imbestigasyon sang Sibalom Municipal Police Station, alas 6 sa aga kag nakabatun sila sang impormasyon nga may nasapwan nga patay sa nasambit nga lugar.

Suno kay PSI Adolfo Pagharion Jr. hepe sang Sibalom MPS, nakit an ang igu sang bala sa nagkalain lain nga bahin sang lawas sang mga biktima.

Ginapatihan nga padulong sa norte nga direksyon ang mga biktima base sa posisyon sang motorsiklo nga nakita sa crime scene.

Base sa record kang PNP ang babaye nga biktima ang anay ka live in partner sang isa ka drug personality nga nakahunong karun sa BJMP San Jose.

Facebook Comments