2 ka police patrol car ug lain pang 3 ka sakyanan, giturn-over sa probinysa ngadto sa PNP, PDEA, SP ug PAO

26

Pormal nga giturn-over sa Pangagamhanang Probinsyal sa Bukidnon ang duha ka Toyota Hi-lux Police Patrol Car ngadto sa buhatan sa Bukidnon Police Provincial Office didto sa Provincial Motorpool, Kaamulan Capitol Compound, Malaybalay City, Bukidnon niadtong Lunes.

Ang maong mga sakyanan gibendisyonan ni Rev. Fr. Columbano Adag nga parehong mikantidad ug ₱2,098,000.00 matag usa diin mokabat na ngadto sa 13 ka mga sakyanan nga nagikan sa probinsya ang anaa sa Bukidnon Police Provincial Office sa kasamtangan.

Sa nahimong mensahi ni Police Director Lami-ing, iyang gibutyag nga sila mapasalamaton sa probinysa pinaagi ni Governor Jose Ma. R. Zubiri Jr. nga sa kanunay nagsuporta sa kapulisan sa probinsya ilabi na sa mga kalihukan ug programa niini diin dako kaayo kini ug ikatabang panahon sa pagrespondi ug pagmonitor sa atong mga kapulisan.

Gibutyag usab ni Provincial Administrator Atty. Albarace nga ang Kagamhanang Probinsyal sa Bukidnon mapasalamaton sa mga kapulisan sa probinsya nga nagpabalin ug na-mentinar ang kahusay ug kalinaw ug andam kining musuporta sa ilang mga programa aron masumpo ang krimenalidad sa probinsya.

Lakip nga giturn-over ug gibendisyonan ang 1 ka Toyota Fortuner nga nagkantidad ug ₱1,995,000.00 para sa Philippine Drug Enforcement Agency o PDEA, 1 ka Toyota Innova nga nagkantidad ug ₱1,298,000.00 para sa Sangguniang Panlalawigan main office ug 4×4 Toyota Hilux pick-up nga nagkantidad ug ₱1,550,000.00 para sa Provincial Agriculture’s Office nga ang pundo gikan sa Region-10 aron gamiton sa pagmonitor sa mga produktong pang-agrikultura sa probinsya.

Ang Pangagamhanang Probinsyal sa Bukidnon migahin ug mokabat ngadto sa ₱37,600,000.00 matag tuig isip suporta alang sa peace and order, PNP Crime Laboratory, PNP, Anti-Drug Program ug sa CIDG.

Facebook Comments