DUHA ka mga pulis nga sakop sa City Drug Enforcement Unit (CDEU) sa Iligan City Police Office ang nangasamdan human nga naaksidente ang gisakyan nga Toyota Hi-ace Van kauban ang usa ka sakop sa media nga si Albert Loyola.
Nahitabo ang aksidente kaganinang ala 1:55 sa kadlawon sa Brgy. Tibanga partikular sa kanhi Cellica paatubang sa National Highway.
Giila ang mga nasamdan nga pulis nga sila PSSgt. Albertine Valmoria nga nakaangkon og bali sa tuong bukton ug nasamdan usab ang ulo si Police Corporal Kim Chang.
Nasayran nga gisundo sa maong mga Police ang maong media sa Sitio Canawai, Brgy. Tibanga alang sa ipahigayon nga inventory sa gipahigayon nga buy-bust operation didto sa Brgy. Tubod.
Apan gumikan sa kadanlog sa dalan nga resulta sa kusog nga pag-ulan, mi-ikis-ikas ang Van sa dihang gi-preno duol sa insersection sa Tibanga mibangga hinoon kini sa punoan sa Mahogany.
Sa kakusog sa impact mi-pivot ang Van ug nag-atubang na sa Canaway ang direksyon human sa pagkabangga.
Gipatambalan karon sa Advientist Medical Centerl ang mga samaron.
(photo credits to the owner)
