2 ka pusher sikop sa buy bust ops

Davao City – Sikop ang duha ka mga tigpayuhot og iligal nga droga atol sa gibuhat nga buy bust operation sa Sta Ana ug Talomo PNP.

Sikop sa Sta.Ana PNP si Coronel Mahinay alyas Dodong, 28 anyos nga taga sa Sitio Fatima Brgy Centro Agdao siyudad sa Davao human kini napalitan og gidiling droga sa usa ka poseur buyer alas-7:50 sa kagabhion.

Misulay pa og sibat ang biktima apan gikulata kini sa mga istambay nga nitabang sa kapolisan sa pag- aresto ngadto kaniya.


Narekober sa dinakpan ang ang usa ka brown coin purse nga dunay sulod nga usa ka square heat sealed transparent plastic sachet nga gituohan shabu,tulo ka elongated heat sealed transparent plastic sachet ug buy bust money nga 500.00 pesos.

Samtang arestado usab sa sa kapulisan sa Talomo si Emily Purisima Ignacio, 39 anyos nga taga- Purok Kasilak Maggahan Barangay 76-A Bucana.

Sa rekord sa Talomo PNP positibong napalitan og gituohang shabu ang dinakpan sa dihang gitunolan kini og buy bust money sa usa ka poseur buyer.

Nakuhaan sa dinakpan ang upat ka mga sachet nga gituohan nga droga.

Sa mao nga operasyon nasikop usab ang tulo ka mga lalaki nga sila si Mario Jorquialimpio, 30 anyos usa ka sales agent, Leonardo Ponce ug Anthony Suico Surban.

Mga dinakpan gi custodiya na sa kapolisan ug magatubang sa kasong paglapas sa RA 9165 kon Comprehensive Dangerous Drugs Act of 2002.

RadyoMaN Don Pulayao/Paul Canono

Facebook Comments