2 magtutudlo positibo sa COVID, klase gipanigurong di mabalda

Davao City – Nagpositibo sa COVID-19 ang duha ka mga magtutudlo gikan sa A.L. Navarro National High School sa Lasang ug Talomo National High School sa Talomo dinhi sa syudad.

Kini ang gikumpirma ni DepEd XI Spokesperson Jenilito ‘Dodong’ Atillo atol sa interview sa DXDC 621 RMN Davao.

“A.L. Navarro National High School ug Talomo National High School, kining duha ka eskwelahan dunay confirmed nga teachers nga nagpositibo sa COVID pero tag usa lang,” segun ni Atillo.


Dali usab gi-isolate ang duha ka magtutudlo ug gi-quarantine ang mga dunay direct contact sa mga pasyente.

Hinuon gipaniguro sa departamento nga di mabalda ang klase karon nga nagsugod na ang blended learning pinaagi usab sa pagpasa og soft copy sa modules.

Sumala sa tigpamaba nga nagsugod na usab ang pagtuon sa mga bata nga na-enroll sa maong mga tulunghaan pinaagi sa radio-based instruction.

RadyoMaN Renz Barbarona

Facebook Comments