2-meter distancing sa simbahan gimando

29

Davao City – Mamahimong makapasulod og 50% ka indibidwal sa venue capacity ang mga simbahan apan kinahanglan nga istrikto ug hugot ipatuman ang health and safety protocol batok Coronavirus Disease 2019 (COVID-19).

Matud ni Davao City Mayor Sara Duterte-Carpio nga kinahanglang ipatuman ang 2-meter distancing sa mga tao gikan sa 1-meter distancing nga gimando kaniadto.


Kini aron kalikayan ang COVID-19 diin usa ang simbahan sa mga lugar nga risgo sa takdanay sa virus gumikan kay dugay nga oras nga magpondo ang mga tao sulod sa lugar.

“Nakita nato (nga sa) places of worship, dako ang risk dinha (sa COVID0-19) and because dugay mag uban ang mga tao, not less than one hour inside that enclosed space,” saysay ni Duterte-Carpio.

Dugang sa Alkalde nga kinahanglan nga magbaton og proper ventilation ang simabahan diin gidili ang pagpa andar og electric fan sulod sa simabahan tungod kay mamahimo kining pamaagi nga ma-transmit sa ubang tao ang virus kung aduna may nagpositibo tao sa sulod. Gisugyot usab ang pag palong sa air conditioner kung gikinahanglan.

RadyoMaN Kirby Manzon




Facebook Comments