2 moher, 1 marido?

Ya queda centro del alegria el confrontacion del dos moher priniada despues de saber un marido lang sila tiene y ta esta na un casa solamente na San Roque.
Durante el cubrida del RMN Zamboanga ta aparese mismo el maga barangay official del San Roque el ya lleva na estacion del Sta. Maria con el dos moher despues estos yan pelyahan y yan hilaan pelo.
Asegun el unu moher sinco meses priniada mientras el uno dos meses priniada y ta esta estos na un casa hunto con el diila un marido quien nohay piho trabaho y taman hornal solamente como busca lavida.
El diila peleya porcausa na selos con el diila un marido amediante largo tiempo ya estos ta esta na un casa.
Ya llama el atencion del publico porcausa egual sila ay tene ya tres anac egual y todo un tata solamente.
Porcausa nohay piho trabaho el destos marido, ta esperanza lang sila el ayuda del cuantos barangay official y maga bisinos quien ta alcansa canila comida.
Depues del diila confrontacion, ya puede siempre canila aregla y egual ya bolbe na diila un casa na San Roque.