Dos maga mujer ya muri despues ya pasa canila insima el rueda del un truck na barrio de Salaan enantes aga.
El mage muerto amo canda Felisa Francisco y Roselia Napolereyes, ambos de Sitio Hapa, Salaan.
Na imbestigacion del pulis ta dale mira que banda alas 10 del aga canda Felisa y Roselia ta man ancas na motor ta maneja si Melvin Francisco, que es hijo di Felisa encamino sila pa afuera na highway.
Asegun con el pulis, ta precura man abante canda Melvin con el un truck que ta caria grava y arena ta maneja si Ronald Enopia quien ta viaja na un direccion.
Pero amediante deste, tiene otro motor ta maneja si Ceejay Palisug ya man encuentro canila donde ya man banggaan estos.
Porausa del banggaan, canda Felisa y Roselia ya man liguid-liguid na calsada hasta ya pasa canila insima el atras rueda del truck que ta maneja si Enopia.
Canda Felisa y Roselia ya muri dayun na lugar mientras canda Melvin y Ceejay ya sostene irida y ya lleva canila na hopistal.
