ZAMBOANGA CITY–Este tarde esperanzao ay entera con el dos persona de edad quien ya muri durante el grande insendio ya sosede na Kasalamatan Drive, Kasanyangan del Biernes medianoche.
El maga victima amo canda Lakibul Musad, 75 y Porman Janalde, 63, ambos nohay puede sale na diila cada-y-cual casa mientras ta rasa el fuego.
El quema ya comensa pasada alas once del noche y ya termina despues del mas de un hora.
Mas de cien caserias ya man cenisa durante el quema.
El maga afectao familia temporariamente ya esta na escuela del Sta. Catalina mientras el gobierno local hunto con el DSWD dayun ya extende assistencia canila.
Facebook Comments
