2 Nakuhaan ug kinarton nga peke nga Sigarilyo-dakpan

General Santos City–Gikabutyag ni Police Chief Inspector Alex Joe Orcajada ang Chief Of Police sa Polomolok Police Station nga aduna silay nakumpiska nga ubay ubay nga klase- klase nga sigarilyo.

Sumala pa nga duha ka operasyon ang natigayon niadtong milabayng mga adlaw sa Polomolok Sot.Cot. sa pakig alayon sa Polomolok Municipal Police Station sa pagpanguna ni Police Chief Inspector Alex Joe Orcajada og South Cotabato Provincial Intelligence Branch sa pagpanguna usab ni Police Chief Inspector Lorenzo Henares.

Una ng nasikop si Fajad Matumadi Gawagay, 18 anyos, residente sa Ilang Ilang st. Barangay Poblacion alas 4:00 sa hapon dihang naaktuhan gayud sa kapolisan nga may mga dala nga nga mukabat 21 ka karton nga managlahing brand sa Peke nga sigarilyo.


Ikaduhang nasikop si Mano Compas Mila, 51 anyos, minyo og residente sa Purok manatad, brgy. Poblacion 4:30 sa hapon sa susamang lugar human usab naaktuhan nga dunay mga dala nga kinarton nga klase klaseng pake nga mga sigarilyo.

Dugang pagbutyag ni orcajada nga gikan matud pa sa Gensan ang mga sigarilyo nga nakumpiska gikan sa mga suspetsado og nakig coordinate na sila sa Gensan aron matumbok kung asa gikan ang mga sigarilyo nga ipamaligya unta sa mga dinakpan.

sa karun nagpabiling balhog sa lock up cell sa Polomolok PNP ug kagahapong adlawa, hingpit nang gipasakaan ug kaso ang mga nasangpit subay sa kalapasan sa RA 8293 o kon intellectual property code of the Philippines.

Facebook Comments