Duha nga bata an biktima han paninigbas ha Brgy. Sto. Nino Laoang, Northern Samar.
Ginkilala an mga biktima nga hira Mica Rosendal, 8 anyos, grade 3 pupil, ngan residente ha Brgy. Aroganga ngan hi Syra Valila Espina, 7 anyos, grade 2 pupil ngan residente ha Brgy Sto.Nino pareho nga taga Laoang Northern Samar.
Ginkilala naman an suspek nga hi Marlo Bantilo Acebuche, 39 anyos, waray asawa, usa nga parag uma ngan residente ha Brgy Aroganga.
Subay hiton imbistigasyon han mga otoridad, nanonood la daw hin TV an mga biktima ha panimalay han pamilya Macatane ngan tigda nala sumakob an suspek ha nasabi nga panimalay. Hubog an suspek ngan mayada dara nga sundang.
Naangkon han mga bikitma an pipira nga injuries ha ira lawas ngan igindara dayon ha harani nga hospital.
Arestado naman an suspek ngan paslak na ha Laoang Police Station ngan maatubang ha kaangayan nga kaso.
