2 nga myembro han NPA ha Northern Samar, arestado

NORTHERN SAMAR – Naaresto han mga kasundaluhan an duha nga rebelde nga myembro han New People’s Army (NPA) matapos an engkwentro nira ha Northern Samar dida han Byernes.

Nahinabo an purugsilay han mga kasundaluhan han 43rd Infantry Batallion kontra ha mga NPA ha Brgy. San Vicente, Catubig Northern Samar samtang nagpapatrolya an mga kasundaluhan.

May nakarawat man gud an mga otoridad nga impormasyon nga may nahihinabo nga extortion ha nasabi nga lugar.


Waray naman napatay ha grupo han militar ngan NPA.

Narekober han mga otoridad an M16 rifle, mga bala, usa nga laptop, tulo nga flashdrives, usa nga memory card ngan duha nga card reader ngan duha naman nga cellphone.

Abiso naman ni maj. Gen. Raul Farnacio, 8th Infantry Division commander ha mga kasundaluhan nga magin agresibo kontra ha mga rebelde nga grupo nga nanhaharass ha mga civilian.

Facebook Comments