2 nisibat sa quarantine facility gikasohan

20

Davao City – Duha na ang napasakaan og kaso sa Davao City Police Office (DCPO) tungod sa pagbiya sa mga quarantine facility nga mga COVID-19 patients.


Gibutyag ni DCPO City Director Police Col. Kirby John Kraft, giduso nila ang kasong paglapas sa RA 11332 (Law on Mandatory Reporting of Notifiable Diseases).

Sumala ni Kraft, adunay protocol nga gipatuman ang Department of Health (DOH) sa pag-deploy og mga pulis sa mga COVID-19 facilities.

“Iyong isolation facility kasi ang may hawak niyan ang DOH at ang ating health officials so may sarili kasi silang protocols diyan kung maglagay kami ng security diyan is upon request. Siguro iniiwasan din nila iyong contamination kaya hindi ganon din sila kahigpit na hindi sila basta naglalagay ng mga pulis natin diyan,” sumala niini.

Segun ni Kraft, ang tanan pasilidad sa dakbayan gibutangan og mga police desk ug adunay naka-standby nga pulis sa mga parameters aron magbantay sa seguridad.

Samtang, gikumpirma ni Davao City Mayor Sara Duterte , aduna gayu’y mga nisibat nga pasyente ug naghimo na ug mga lakang aron mabalik sila.

RadyoMaN Aimee Guinita




Facebook Comments