2 NPA child warriors na-rescue sa militar

40
Davao City- Na-rescue sa 10th Infantry “Agila” Division ang duha ka mga menor de edad uban sa duha pa ka mga batan-ong NPA warriors sa Brgy. Coronobe, Maragusan, Davao de Oro.

Giila kini sa mga kasundaluhan nga sila alias “Jomari”, 18 anyos, Squad Political Guide; alias “Vina”, 19 anyos, Squad Supply Officer; alias “Macoy”, 14 anyos, Team Supply Officer ug alias “Dondon”, 15 anyos, Platoon Supply Officer nga mga sakop sa Regional Operations Command, Southern Mindanao Regional Committee (ROC, SMRC).

Gitudlo usab sa mga kanhi rebelde ang mga armas (2) M16 rifles nga gipangtaguan sa Sitio Mission, Brgy Andap, New Bataan, Davao de Oro.

Sumala ni 10ID Commander MGen Nolasco Mempin, tungod sa intensified intelligence and focused-military operations sa 66IB under 701st Infantry Brigade nagmalampuson ang military sa pagsalbar sa mga batan-on nga gina-exploit sa NPA.

Giturn-over sa AFP ang duha ka mga minors ngadto sa New Bataan Municipal Social Welfare Development Office aron kini matabangan.

Sukad 2016, nakatala ang 10ID og 121 ka mga rescued minors gikan sa NPAs.



RadyoMaN Aimee Guinita

Facebook Comments