2 patay, 7 samarun sang maglapay ang wing van truck sa taytay

250

KABANKALAN CITY – Duha ang patay, pito ang nasamaran sang nahulog ang isa ka 6-wheeler wing van truck nga may karga sang mga inugbaligya sa bolante las 4:30 sini gid lamang nga kaagahon sa Sitio Plasanon, Brgy. Salong, Kabankalan City.

Ginpahayag nga ang amo nga wing van truck ang may sakay nga 6 ka pahinante sa likod kag 3 ang nagapungko sa front seat lakip na ang driver.


Sa interview sang DYHB kay Dary Adlaon, isa sa una nga nag-rescue sa aksidente nga ang truck halin sa Kabankalan City proper kag buot nga magpadulong sa Brgy. Tabugon agud nga magbolante didto bangud nga market day sa amo nga barangay.

Apang, sa paglab-ot sang truck sa taytay nga may kataason nga halos 12 feet, ini ang naglapaw nga una ang ulo.

Suno kay Adlaon nga karga sang amo nga truck ang mga bayo, groceries, relip kag iban pa gid nga mga items nga amo kuntani ang iga-bolante.

Ginkilala ang mga nagkalamatay sa amo nga insidente sanday; Antonio Miralles, 65 anyos kag Jenalie Alfonso, 49 anyos tanan sang syudad sang Kabankalan, samtang ang 7 ka nasamaran yara karon ginabulong sa Kabankalan City District Hospital.

Gina-imbestigar naman sang mga katapo sang Kabankalan City Police Station ang rason sang amo nga aksidente.

[image: image.png]

Facebook Comments

From Advertisers