Duha ang patay, 9 ang pilason matapos nga nagbunggu-anay ang isa ka panel truck kag trasyikol sa Barangay Talaban, syudad sang Himamaylan, pasado alas-7:45 kagab-e.
Ang mga nagkalamatay amo sanday Faith Joy Hontiveros, 15 anyus kag Joshua Valdez, legal ang edad, lunsay mga pasahero sang traysikol.
Pilason man ang driver sang traysikol nga si Kevin Jade Montano, 23 anyus, kaupod man sang iya mga pasahero nga kalabanan nga menor de edad.
Ang mga ‘injured’ang ginpangdala sa Himamaylan Hospital kag Binalbagan Infirmary lakip man diri ang driver sang truck nga nakilala sa kay Dario Pontino, 34 anyus, residente sang banwa sang Murcia.
Sa report sang Himamaylan PNP nga nag-head on collision ang natabu nga sa diin nag-overtake ang trasyikol sa isa pa truck apang na-alang alang na ini sa pagbalik sa iya nga linya kag didto na naka-bunggo sa sugata nga panel truck.
Ang traysikol ang halin sa norte padulong sa sur nga direksyon samtang ang truck ang padulong naman sa syudad sang Bacolod.
Nahibalu-an nga manugpa-uli na kuntani ang mga kabata-an gikan sa ila practice sa sa-ot sang nagluntad ang aksidente.
