2 patay sa anti-drug operation sa Polomolok, South Cotabato.

34
Scratched red oval stamp with the words - the police - illustration

Patay ang duha ka mga ginaaligar drug suspect sa ginpatigayon nga buy-bust operation sang kapolisan sa Purok Masikap, Barangay Pagalungan, Polomolok, South Cotabato, alas 3:00 sang hapon sang Setyembre 23, 2020.
May-yara suno pa sang nagluntad nga firefight sa tunga sang kapolisan kag suspek nga si Leo Tuba Berdrejo, 36-anyos kag residente sang Purok Upper Puting Bato, Brgy Calumpang, General Santos City kag kaupod sini nga ginkilala kay Moises Berdrejo Sarco Jr., nga nakapalagyo sakay sa Toyota Innova, color gray, may plate number CDZ 7706.
Ang suspek nga si Berdrejo ang gindala pa sa Polomolok Municipal Hospital, apang gindeklarar nga dead on arrival sang attending physician.
Nakuha sa suspek ang P500.00, 1 ka heat sealed transparent plastic sachet sang ginaaligar shabu nga gingamit nga buy bust item, samtang nakuha man sa lugar ang 1 ka fcc 5.56mm, 5 ka fcc .9mm, 1 ka improvised tooter, Pag-ibig ID, ATM, barangay ID, yabi sang Honda MC kag fragmentation grenade .
Samtang sa hot pursuit operation batok sa nakapalagyo nga suspek nga si Moises Berdrejo Sarco Jr. residente sang Prk 10, San Isidro Lagao, GSC ang nacorner sa Prk San Miguel, Brgy. Klinan 6, Polomolok, South Cotabato alas 4:30 sang hapon.
Apang ang suspek ang nagbato man sa kapolisan nga nangin tunaan sang iya kamatayon.
Nakuha sa posisyon sini ang armas luthang, mga bala, 1 ka unit sangToyota Inova, 1 ka heat sealed sachet sang ginasuspetsahan shabu kag assorted shabu paraphernalia.
Kaso nga pagbayolar sa Section 5, Section 11, Article II sang RA 9165, RA 10591, RA9516 kag Direct Assault ang ipasaka batok sa mga suspek.

Facebook Comments