Duha ang patay sa natigayung managsunod nga engkwentro sa tropa sa 26th IB Phil. Army ug rebelding New Peoples’ Army didto sa sitio Odal, brgy. Mahagsay, San Luis Agusan del Sur niadtong nakalabyang adlaw. Gikompirma ni LTC Rommel Pagayon, commander sa 26th IB Phil. Army nga usa ang patay sa panig sa mga NPA samtang napatay usab ang usa ka PFC Jingle Sabosido nga sakop sa Bravo Company sa 26th IB Phil. Army. Nailhan na ang patay’ng lawas usab sa usa ka sakop sa NPA apan gipaubos pa sa beripikasyon sa kasundaluhan ang tinoud nga pangalan niini kinsa naila nga residenti ra usab sa brgy. Mahagsay sa maong lungsod. Naglusad ug combat operation ang tropa sa 26th IB Phil. Army sa pagpangulo ni 1Lt. Villena human nakadawat ug report ang kasundaluhan sa presensya sa mga NPA nga sakop sa Guerilla Front Committee 88, ug didto natigayun ang engkwentro. Nakuha sa encounter site ang usa ka AK47 nga armas nga iya sa napatay nga sakop sa NPA. <www.avast.com/sig-email?utm_medium=email&utm_source=link&utm_campaign=sig-email&utm_content=webmail>
