2 patay , upat naangol sa disgrasya sa Compostela

Duha ang kompirmado nga nakalas samtang upat ang na-angol sa mga sakay sa traysikol nga kaduha gyud nadasmagan sa managlahi nga sakyanan sa Barangay Magay lungsod sa Compostela wa pay alas 6:00 karong buntag.
Ang traysikol nga gimaneho sa usa ka Michael Francisco ,28 anyos giingong unang naigo sa usa ka Adventure samtang padung kini sa norte nga direksiyon.
Human naigo sa Adventure , nadasmagan na usab kini sa usa ka minibus nga gimaneho ni Ricardo Rivera Jr. human usab siya ni-overtake sa laing mini bus .
Si Ricardo sa iyang kahadlok didto nisurender sa Danao Traffic ug gibiyaan ang iyang gimaneho nga mini bus .
Ang mga nakalas ug dead on arrival sa Cebu Provincial Hospital sa Danao mao sila si Eje Rose Halipa ug Mary Grace Tali .
Ang upat nga na-angol mao sila si Wellaflor Mollena , Evangeline Davidon , Sherry Mae Moreno ug ang traysikol driver nga si Michael Francisco.
Ang mga pasahero sa traysikol pulos padung sa ilang trabaho sa Mitsumi , dakbayan sa Danao.

Facebook Comments