2 seniors mipanaw sa diarrhea outbreak sa Sto. Tomas

25

Davao del Norte – Miabot na sa tulo (3) ang natalang patay sa diarrhea outbreak sa Barangay Tulalian, Sto.Tomas, Davao del Norte, human nga adunay duha ka indibidwal, pulos seniors ang mipanaw kagahapong adlawa (Hulyo 20, 2021).

Sa gipadalang impormasyon sa DXDC RMN Davao ni Mart Sambalud, Municipal Information Officer sa Sto. Tomas, base sa alas 3:00 sa hapon kagahapong adlawa, natala sa Municipal Health Office (MHO), ang duha ka mipanaw gikan sa Purok 12, Brgy. Tulalian nga naglangkob sa 80 ug 68 anyos nga pulos babaye.


Natala usab ang unang namatay sa diarrhea sa lugar niadtong Hulyo 19, 2021.

Kagahapong adlawa, anaa na sa 444 ang total nga kaso sa diarrhea sa Brgy. Tulalian, diin una na nga nagdeklara og outbreak sa LGU Sto.Tomas tungod sa insidente.

Nagpahigayon na usab og chlorination sa ilang water source ang lokal nga gobyerno ug pagtunol og mainom nga tubig sa ilang mga residente.

RadyoMaN Kirby Manzon



Facebook Comments