General Santos City—sikop sa operatiba sa City Drug Enforcement Unit (CDEU) ang duha ka mga personahe atol sa gilusad nilang buybust operation sa area sa Fil-am Avenue, Barangay Fatima Gensan.
Suspek giila nga silang si Abdul Raham Dakula, legal age, residenti sa Block 1, Barangay Fatima ug Yasir Untong, legal age, residenti sa Koronadal City.
Alas 12:05 ang takna sa kabuntagon adlawng Lunes, August 28,2017 dihang gihimo ang buybust operation batok sa duha ka mga suspek nga miresulta sa pagkasikop sa mga nahisgutan human silang napalitan ug (1) ka sachet sa gituohang shabu gamit ang P500.00 nga marked money.
Gawas sa napalit sa kapulisan gikan sa mga suspek nakuhaan usab ug laing (1) pa ka sachet sa gituohang shabu ang Ubox sa motorsiklong gigamit sa mga nahisgutan.
Ang mga suspetsado sa kasamtangan anaa na balhog sa silda sa Police Station 7,samtang kasong kalapasan sa RA 9165 o Comprehensive Dangerous Drug act of 2002 ang nasangpit nga mga suspek.
