Maga pulis del Sangali Police Station ya puede ya aresta con dos del cuatro del maga alegao hechor na matansa con el GRO si April Rose Villanueva, 25, nativo de RT Lim, Zamboanga Sibugay.
Con el maga arestao ya conose como canda Jeffrey Pocong y Damas, 35 y Elton Jay Francia y Taub, 21, ambos del Sitio Malasugat, Sangali.
Canila ya aresta banda alas 8 del noche durante el follow-up oeration del pulis.
Tiene cuantos testigo el ya insiniya canila como el maga ultimo maga persona conquien yan junto si Villanueva del Lunes denoche ante de sale le perdido.
Tiene tambien un sweat shirt de hombre tiene el nombre Jeff ya encuntra serca na cadaver del victima, que este asegun ta duenya si Pocong.
Mientras el dos otro suspechao canda Jerson Francia y Taub, 23 y Loyut Andung, 25, casao, del mismo siempre lugar ta esta pa largao este maga tiempo.
