2 teller del gaming firm arestao

Dos otro maga teller del un gaming firm ya sale arestao despues el maga pulis ya descobri ta colecta tambien sila tayada para na illegal number game.
Con el dos teller ya nombra como canda Aniza Samsula, 40 anios de edad y si Gloria Ventura, 52 anios de edad ambos de San Roque.
Con Samsula ya aresta maga pulis del Sta. Maria Police Station na mismo outlet del legitimo gaming firm y ya recobri desde conele el tayada valor de P270 y el tally sheet mientras con Ventura ya aresta tambien na su out cuantos metro lang diila distancia.
Ya recobri maga pulis desde con Ventura el tayada valor de P620.
Ta aparese mientras ta trabaha estos na legitimo gaming firm outlet ta hace tambien estos el collection y ta entrega na illegal number game.
Si acorda, del pasao semana ya puede tambien el maga pulis del mismo estacion con un teller del lotto outlet na Sta. Maria ta collecta tambien tayada y ta entrega na illegal number game.