2 –tulisan sikop sa Polomolok

South Cotabato – malampusong nasikop ang duha ka mga lalaking suspek sa robbery, nga natigayon sa nakalabayng gabie sa may Anastacio Street, Barangay Poblacion, Polomolok, South Cotabato.

Suspek giilang silang Mohammad Uzman Paucan, 23, single, ug Kenneth Marangit Bueno, 28, minyo, pulos mga residente sa Purok 7, Marangit Compound, Barangay Crossing Rubber, Polomolok.

Ang duruha maoy suspek sa pagpanulis sa biktimang si Nhor Basindahan, 18, nga taga barangay Poblacion Polomolok. Nasayran nga una nang gitulis sa duruha diin pugsanon nilang gikuha ang bag niini nga dunay sulod nga cellphone, kwarta ug uban pang importanteng gamit.


Paspas nga nakareport sa kapulisan ang nasangpit nga biktima maong gihimo dayon ang hot pursuit operation nga miresulta sa positibong operasyon human nga nasikop ang mga nsuspek.

Malampusong narekober ang kwarta ug kalo nga gipanag-iyahan sa biktima, samtang nakuha usba sa kapulisan ang (1) ka sachet sa gituohang shabu sa posisyon sa mga nahisgutan.

Sa karon ang duruha anaa na balhog sa silda sa Polomolok PNP ug hingpit na usab silang napasakaan ug kasong Robbery.

Facebook Comments