TACLOBAN CITY – Narikupo han Philippine Drug Enforcement Agency o kun PDEA Region 8 an 20 ka gramo nga gin-aaligar illegal nga droga tikang ha High Value Target drug personality ha syudad han Tacloban.
Ginkilala an suspek nga hi Rodel Tabiongan, 35 anyos, waray asawa, waray trabaho ngan residente ha Brgy. 109-A V&G Subd. Tacloban City.
Ha gindumara nga buy-bust operation han PDEA ha Pantak St. Brgy. 109 V&G Subdivision, napalit han poseur buyer han PDEA an pito nga transparent plastic sachet nga gin-aaligar shabu nga nagkakantidad 140, 000 pesos. Narikupo gihapon han mga otoridad an mga drug pharaphernalia.
Maatubang an suspek ha sale ngan possession of illegal drugs ngan possession of drug paraphernalia han RA 9165.
Paslak na an suspek ha PDEA detention facility.
