20 VEHICULO YA OFRECE NA MGA BARANGAY DEL DISTRITO DOS

El alcalde Beng Climaco-Salazar ya encaveza con el turn-over del beinte mga L-300 vans con valor de P19.39 milllion que entendido para na mga barangay na Destrito Dos del ciudad.
El mensyonao mga vehiculo amo el aca-segundo batch del mga L-300 que ta ofrece el govierno local na 98 mga barangay por el programa Security, Health and Education del presente administrasyon.
Na su mensaje, ya apela el alcalde Climaco con el mga barangay capitan quien ya recivi con el mga mensyonao vehiculo para utiliza coneste embuenamente por el nececidad del mga vivientes, en tiempo de emerhensya y hinde por el uso y conviniencia personal lang.
Ya abla el alcalde que cumbiene queda firmi libre y fuede usa coneste mga vehiculo de barangay el mga constituentes specialmente ta uso de emerhensya. – *Bhong Simbajon/RMN News*

Facebook Comments