Sikop sa City Drug Enforcement Unit Iligan ingon man sa PDEA Region 10 camiguin team ug sa police station 2 ang duha ka mga suspetsado sa gihimong joint buy bust operation alas 7:30 ang takna kagabie sa may C3 road Tominobo ning syudad sa Iligan.
Naaresto ang usa ka Mohaimen Dampac kinsa maoy target sa operation, 24 anyos single, usa ka driver ug residente sa marawi city, ingon man si Hanna mae Daud y Soong, 22 anyos single, walay trabaho nga taga purok 1 brgy. Kiwalan ning dakbayan sa Iligan.
Napalit gikan kang Mohaimen ang usa ka small size nga plastic straw nga dunay gituohang “shabu”.
Nakuha usab sa iyang possession ug control ang usa ka 500 peso bill nga gigamit isip buy bust money ingon man ang tulo ka dagko nga sachet sa gituohang shabu.
Samtang nakuha usab sa possession ni Hanna, ang tulo ka dagko nga sachet sa gituohang shabu.
Ang nga nakunpiskang shabu motimbang ug kapin kun kulang 30 gramos ug dunay market value nga 200 thousand pesos.
Ang mga target ang anaa sa DI List.
Anaa na sa presento dos ang mga suspetsado ingon man ang mga nakuhang ebidensya alang sa proper disposition
