2019 MIDTERM ELECTIONS | Voting hours, ginpalawig sang COMELEC

Ginpalawig sang Commission on Elections (COMELEC) ang oras sang pagboto sa pagahiwaton nga 2019 midterm elections.

Suno kay COMELEC Spokesperson James Jimenez , madugangan sang isa ka oras ang voting hours, halin alas 6:00 sang aga tubtob na alas-6:00 sang hapon.

Ini bangud man sa paghampak sang voting population sa 61 milyon ikumpara sa 58 milyon sang 2016.


Bangud indi pagdugangan ang Vote Counting Machines (VCMS) , lauman na suno sa ahensya ang malaba nga pila.

Masarangan sang kada VCM nga maka-accommodate sang tubtob sa 1,000 ka botante.

Samtang, bisan dangat lang alas-6:00 sa hapon, pahanugutan gihapon nga makaboto ang mga botante nga yara sa 30 meter-radius sang polling centers bisan naglampas na sa oras.

Kinahanglan lamang malista sang poll clerks ang pangalan sang mga botante kag tawagon sang tatlo ka beses para makaboto.

Kon indi makaabot, indi na ang mga ini pagpasugtan nga magboto.

(photo from web)

Facebook Comments