Sa interview sa RMN ngadto kang Samuel Langub, ang city information officer, gibutyag niini nga adunay ipahigayon nga culmination program unyang gabie kung asa adunay video presentation kung asa makita ang background sa pagkatukod sa Valencia isip siyudad, aduna usay mga pasundayag ug concierto nga himoon sa City Oval ground.
Matud ni Langub nga gideklara usab nga usa ka special non working day sa Valencia karong adlawa pinaagi sa proclamation 1274 nga gipagawas sa Malakanyang tungod sa mao nga kasaulugan. Nagpahinumdom usab siya sa publiko nga walay trabaho sa local, national agencies apil na ang mga GOCC’s karong adlawa.
Nagpahimangno usab ang information officer sa publiko nga musaksi sa kalihukan nga sundon ang public minimum health standard ilabina nga adunay fireworks display unyang mga alas 9 sa gabie.
Samtang suspendido usab ang vaccination sa mao nga dakbayan karong adlawa.
