Bacolod City – Gin-announce sang Cebu Pacific (CEB) ang cancellation sang iya 22 tanan ka mga flights halin Bacolod padulong sa Manila vice-versa sa masunod nga semana. Ini bangod man sa natalana nga maintenance kag upgrading sang radar sa Tagaytay nga ipatuman sang Civil Aviation Authority of the Philippines (CAAP).
Ang CAAP ang magapatuman sang temporary shutdown sang ila air traffic radar sa March 6 tubtob 11. Sa March 6, ang flights 5J 485 kag 5J 487 gikan sa Manila padulong sa Bacolod, kag ang flights 5J 486 lakip man ang 5J 488 gikan sa Bacolod padulong sa Manila ang kanselado.
May apat pa gid ka flights, 5J 483/484 kag 5J 487/488, tanan gikan sa Manila padulong sa Bacolod ang kanselado man sa March 7.
Ang Cebu Pacific magasuspende man sang flight 5J 483/484, 5J 485/486 kag 5J 487/488, Manila-Bacolod-Manila flights sa Marso 8.
Ang mga kanselado nga flights sa Marso 9 kag 10 amu ang 5J 481/482 kag 5J 483/484, 5J 483/484 kag 5J 487/488.
Ang mga apektado nga mga pasahero ang mahimo makapa-rebook ukon mangayo sang refund nga wala naman sang penalties.
