22 narekord nga kaso sang firecracker-related injuries sa South Cotabato, kaso nagsaka sang 144 porsyento.

18
Nagsaka sa 144 porsyento ang firecracker-related injuries sa South Cotabato tungod naglab-ot sa 22 ang nabiktima base sa datos sang Provincial Epidemiology and Surveillance Unit (PESU) kahapon nga adlaw, Enero 2, 2022.
Ang banwa sang Polomolok ang may mataas nga kaso sang nabiktima sang palupok nga nakarekord sang anum, ginasundan sang Lake Sebu nga may apat, Surallah may tatlo, samtang tig -2 naman ang narekord sa Koronadal City, Norala, Sto. Niño kag Tupi, samtang isa naman ang narekord saTantangan.
Nagaedad sang 1 ka tuig tubtob 40-anyos ang nabiktima nga 17 ang lalaki kag 5 naman ang babaye.
Samtang 14 ukon 64% ang direkta nga nagkapot sang firecracker/fireworks.
Nakaangkon ang mga biktima sang paso kag isa ang may amputation nga halin sa banwa sang Surallah nga halos naman sa mga biktima ang outpatient.
Trese ang nabiktima sang legal nga klase sang palupok nga ginalakipan sang Kwitis-8, 3 star -1, Luces-1, flying tiger -2 kag pyrotechnic -1.
Syam naman ang nabiktima sang illegal nga klase sang palupok nga apat ang tungod sa five star, 2 sa piccolo kag tig-isa naman sa Boga, Kamara kag Sandawo.
Base sa datos sang IPHO wala sang narekord nga patay tungod sa firecracker injury kag wala naman sang insidente sang stray bullet.
Facebook Comments