Sugdan kuman na adlaw an ika 22 na Caraga Athletic Association Regional Sports Competition na entrahan sa 12 ka mga delegado gikan sa nagkalain laing ciudad sanan probinsya sa rehiyon.An syudad sanan probinsia nan SDN iban sa Dep Ed amuy host kuman na tuig sa dako na sports event sa rehiyon iban sa tema na” Multi Intelligences:Achieving Excellence in Sports. Moabot sa 8 ngadto10 mil ka mga bisita lakip mga atleta an banabana entra kuman na tuig sanan mosaksi sa Opening Grand Parade og programa kuman hapon did on sa Provincial Sports Complex. Sajo kagaina buntag isab gihimo an isa ka misa sa tanan partisipante sanan delegado para iampo an kalamposan sa amu na isa ka semana na sports event. Gikatakda na mamahimong pinasidunggan na bisita sa opening program sila si kanhi Asst. to the President Christopher Lawrence “Bong” Go,PCOO Secretary Martin Andanar sanan iban pa na mga kadagkoang opisyal sa rehiyon.Molungtad an amu na kalihukan hangtud sa Marso 1 kuman na tuig.
