23 KATAO LAKIP ANG SYAM KA SUNDALO,NASAMDAN SA PAGBUSIKAD SA COTABATO UG MAGUINDANAO

GENERAL SANTOS CITY- Angol ang anaa sa 23 katao lakip ang syam ka sundalo sa nahitabong pagbusikad sa Cotabato ug sa Maguindanao kagabie.

Sumala ni Western Mindanao Command (WESMINCOM) Spokesperson Major Marvin Encinas, nga nahitabo ang unang pagbusikad bandang alas 6 ang takna sa gabie sa Sinsuat Avenue sa Cotabato City.
Kung asa 16 ang nasamdan lakip na ang mga sundalo dihang gipabusikad ang granada sa wala pa mailhing suspek.
Target matod pa ang mga sundalo nga sakay sa army truck na muagi sa lugar.
Nahitabo ang pagbusikad ayha ang nakatakdang pagbisita ni presidente rodrigo duterte karung adlawa sa Shariff Kabunsuan Complex sa Cotabato aron mang apod-apod ug land titles sa mga benepisyaryo sa Department of Agrarian Reform (DAR).
Gitudlo ang myembro sa Bangsamoro Islamic Freedom Fighters (BIFF) na ang anaa sa likod sa maong pagpangatake.

Samtang laing pagbusikad usab ang nahitabo sa Libungan North Cotabato ug sa Upi Maguindanao.
Sa karon awhag na lamang sa militar sa mga katawhan nga kung adunay kadudahang mga tao sa palibot nga gilayon kining e report sa mga otoridad.


For more info’s and updates, like and share our official facebook account : www.facebook.com/ifm91.9Gensanofficial/

[image: ied.jpg]

Facebook Comments