236 ka mga sinsilyo og100 ka mga lansang nakuha sa usa ka tiyan sa tawo

Satna, India- Nadiskobrehan sa mga doctor sa nasud India ang usa ka makalilisang nga panghitabo human gi endoscopy ang sulod sa tiyan sa usa ka lalaki nga mibutyag nga sobra sa 15 libras nga metal ang anaa sulod sa iyang tiyan.

Sa report sa sa New York Daily News, si Maksud Khan, usa ka residente sa Satna, India, mibisita sa usa ka ospital nga mireklamo sa kasakit sa iyahang tiyan.

Ang mga doktor ang unang nag- diagnosed nga adunay pagkahilo sa pagkaon ang nasampit nga biktima apan nadiskubrihan sa endoscopy ang pipila ka gatus ka metal sulod sa iyahang tiyan, lakip na ang 236 nga mga sensilyo, 100 ka mga lansang, ug usa ka dosena o labaw pa nga mga labaha, usa ka gunitanan nga puthaw, mga dagom ug pipila ka mga partikulo sa bildo.


Sumala kang Dr. Priyank Sharma, usa ka surgeon sa International Business Times, nga dako ang katingala nila sa pagka -diskubre sa mga sensilyo, mga lansang, ug mga tusok sa tiyan.

Ang International Business Times nagtuo nga si Khan nag-antos sa mga problema sa panglawas ug sa pangisip, nga mahimong hinungdan sa iyang pagkaon sa metal. Ang pamilya usab niini ang blangko sa iyahang nabuhat.

Sumala usab sa gisulti sa Surgeon nga si APS Geharwar, kasagaran ang mga tawo magsugod sa pagkaon sa abnormal nga mga butang ubos sa pipila nga mga kondisyon sa pangisip.

Ang operator sa usa ka three-wheeler ang nagbutyag nga si Khan mitulon ug mga sensilyo . Ang mga doktor nagbutyag nga sila swerte sa pag-opera kang Khan tungod kay ang pipila sa mga lansang nga iyang gitulon nagpatusok sa iyahang tiyan, nga hinungdan sa internal nga pagdugo ug pagkawala sa hemoglobin.

Si khan misaad sa mga doktor nga dili na siya molamoy sa metal pag-usab. ( Monaliza Feliprada, GSA ABCom Intern)

Facebook Comments