25 anyos nga may kasong Murder-dakpan

5

General Santos City—Balhog na sa Silda sa Maasim Municipal Police Station ang usa ka 25 anyos nga nag atubang ug kasong murder human nga nasikop atol sa gihimong Manhunt Charlie sa Maasim PNP niadtong nakalabayng adlaw.

Giila ang suspek nga si Ian Malinawon, 25, residenti sa Sitio Libi, Barangay Daliao, Maasim.

Alas 12:00 sa udto dihang gilusad sa kapulisan ang operasyon sa may Purok 5, Barangay Poblacion, human nga nakadawat sila ug report nga naa sa lugar ang suspek.

Wala na usab mipalag ang suspek human nga gipresentar kaniya ang warrant of arrest sa kasong murder nga iyang giatubang. Sa karon Commitment Order nalang ang gihuwat aron nga mabalhin na ang dinakpan sa Sarangani Provincial Jail.

Facebook Comments