250 board feet nga ginabas nga kahoy narekober sa kapulisan sa Malapatan

33

Malapatan, Sarangani Province—Mokabat sa 250 ka board feet sa mga ginabas nga kahoy ang nakumpiska sa Malapatan Municipal Police Station sa bakanteng luna sa may Purok Luot, Barangay Poblacion Malapatan, ala 1:30 ang takna sa hapon niadtong nakalabayng adlaw.


Una nang nakadawat ug sumbong ang kapulisan gikan sa nagpakabanang indibidwal bahin sa mga ginabas nga kahoy nga gibilin sa maong lugar.

Gilayon nga girespondihan sa kapulisan ang area apan wala na silay naabtan nga mga tawo nga posibleng nanag-iya o nagbilin sa mga ginabas nga kahoy.

Tungod niini gidala na lamang sa malapatan PNP ang mga ginabas nga kahoy sa ilang buhatan ug nakatakda nila kining i-turn-over sa MENRO-Malapatan.

Sa karon ginasuta pa sa kapulisan kung si kinsa ang nanag-iya sa maong mga kahoy aron nga mapasakaan ug kaso.

Facebook Comments