250 ka pamilya nga nabiktima sa kalamidad, natagaan og tabang

Dakong kalipay ang gibati sa kapin 250 ka pamilya human nakadawat og mga relief goods nga gidonar sa usa ka pribadong grupo ning bag-o sa city hall quadrangle.

Ang maong mga beneficiaries biktima sa sunog, bagyong Vinta ug demolisyon, kinsa kasamtangang nagpuyo sa mga evacuation center sa barangay Pagatpat,  Calaanan ug Canitoan.

Mitambong sa pagpanghatag silang City Social Welfare and Development Executive Overseer Michael Christopher Fabello; Acting City Adminstrator ug CSWD Officer Teodoro Sabuga-a Jr. ug mga representante sa donor nga Embrace ug Jaime Ongpin Foundation nga sila Mr. Jake Elvert Potennec ug Ms. Carmela Diaz.


Tumong  sa maong donasyon nga matabangan ang mga biktima sa kalamidad ug katalagman sama sa sunog, bagyo ug demolisyon ning dakbayan.

Gumikan niini, mapasalamaton ang administrasyon ni Mayor Oscar Moreno ug Bise Mayor Kikang Uy sa benepisyong naangkon sa mga biktima.

Facebook Comments