250-THOUSAND nga miyembro sa 4Ps, hugtanong gimonitor sa DSWD-12

17

South Cotabato— Hugtanong gimonitor sa Department of Social Welfare and Development Office (DSWD) Region-12 ang mokabat sa 250- Thousand ka mga pamilya nga miyembro sa Pantawid Pamilyang Pilipino Program kon 4Ps human nadungagan ang ayuda sa mga benipisyaryo.

Nasayran nga una ng gi-waived sulod sa pito ka bulan ang mga kondisyon sa gobyerno tungod sa COVID-19 pandemic. Matud ni DSWD 12 Regional Director Cezario Joel Espejo, lakip sa mga nasangpit ang pagpa-eskwela sa mga bata, pre ug post natal care sa mga mabdos, regular ug preventive check-up sa mga bata nga anaa sa lima ka tuig paubos, pagpurga sa mga kabataan nga nagpangidaron ug 14 anyos paubos ug pagtambong sa mga ginikanan sa binulan nga Family Development Session.

Gipahayag ni RD Espejo nga sa karon pwede na nga mobisita sa mga health centers basta seguraduhon lamang nga nasunod ang minimum health protocols. Ang maong pahayag ni Espejo gihimo dungan sa pagkumpirma niini nga gidungagan pa ang ayuda sa mga 4Ps beneficiaries.
Usa niini mao ang matag estudyanteng enrolled sa junior high school makadawat ug tig 500 pesos matag bulan, samtang 700 pesos usab alang sa mga bata nga anaa sa senior high school.
Mas taas kini ug 200 pesos nga nadawat nila kaniadto samtang nagpabilin usab sa 300 pesos matag bulan ang ayuda sa mga bata nga enrolled sa mga daycare center. Pagpaklaro pa ni Espejo, ang pagtaas sa ayuda sa mga 4Ps beneficiary ang kabahin sa pagpatuman sa RA 11310 nga may katuyuan nga mahatagan ug pinansyal nga tabang ang mga pigadong pamilya.

Facebook Comments