Roxas City, Capiz – Pormal na nga nag kick-off kahapon nga adlaw, Hulyo 1, 2020 ang 25th Police Community Relations(PCR) Month celebration sang PNP.
Ginsiling sang Information Officer sang Capiz PPO nga si Police Executive Master Sargeant Donna Asmod, may yara sang tagsa ka mga separado nga mga simple nga programa ang ginpatigayon sa mga police stations sa kabanwahanan.
Kahapon nga adlaw, ginpatigayon man ang “PUGA Kontra COVID activity” nga ginpasakopan sang mga motorcycle riders kag mga motorbiker clubs paagi sa safe motorcycle riding caravan.
Kadungan sini, nagpanagtag man sila sang mga food packs sa mga indigent families nga lubos nga apektado sang COVID pandemic crisis sa mga barangay sang Gibato, Dumarao kag Nagba sa Cuartero, Capiz.
Samtang sa Roxas City PNP, ginsiling ni Lt. Col. Ricardo Jomuad Jr. nga nagpatigayon sila sang information drive paagi sa pagpanagtag sang mga flyers angut sa anti-criminality kag anti-terrorism campaign sang PNP.
Ang subong nga selebrasyon ang may yara sang tema nga: “Paigtingan ang Uganayan ng Mamamayan at Pulisya kontra COVID 19 Pandemya”.
photo(c)- Capiz PPO PCADS
