LA CARLOTA CITY, NEGROS OCCIDENTAL – (1st Update) Nakilala na ang identity sang bangkay sang isa ka babayi nga nasapwan may mga las 8:45 sini gid lamang nga aga sa Had. Elena, Brgy. Ayungon, La Carlota City.
Suno sa La Carlota City Police Station ang babaye amu si Merlyn Villamar, 26 anyos sang Barangay Guintorilan, San Enrique.
Nakilala ini mismo sang iya iloy paagi sa tattoo na rose sa ibabaw nga bahin sang iya paa kag tattoo nga rosary sa iya tuo nga abaga.
Nakasuksok sang blue nga sleeveless shirt kag maong nga shorts apang ini ang nakaluslos na.
May pilas sa ulo ang biktima kon diin may nakita nga bato nga may dugo sa tupad sini gani posible siling nila ini ang ginlampusan.
Ginahulat sa karon ang report sa resulta sang imbestigasyon nga ginpatigayon sang Scene of the Crime Operatives (SOCO) agud matumod ang matuod nga motibo sang kamatayon sini.
Apang sa inisyal nga pgpangusisa posibli nga ginlugos ang biktima pagkatapos nga nalipungan, ginguyod sa kampo kag ginhulog sa kalog. /FB photo of Merlyn
