Dalawampu’t anim na retired police service dogs ang kasalukuyang for adoption ng Regional Explosive Ordinance Disposal and Canine Unit.
Ang mga aso ay nagsilbi nang humigit-kumulang walong taon upang tumulong sa pagprotekta sa mga komunidad.
Ngayong retirado na sa serbisyo, hinahanapan na sila ng mga kwalipikadong indibidwal na maaaring kumupkop o umampon sa kanila.
Nabatid na ang mga nasabing aso ay lubos na sinanay upang tumulong sa mga awtoridad sa pag-detect ng mga pampasabog.
Tumutulong din sila sa pagsuporta sa mga operasyong panseguridad sa mga pangunahing pampublikong kaganapan, transport hubs, at iba pang lugar na itinuturing na high-risk.
Kaugnay nito, para sa iba pang inquiries at sa proseso ng adoption, hinihikayat ng Regional EOD and Canine Unit ang mga interesado na makipag-ugnayan kay Manny V. Molina sa mga numerong 0946-409-0044 at 0939-724-099.
