276 nga stall it Kalibo Public Market daeasa sa nag euntad nga sunog; State of Calamity gindeklara sa bilog nga banwa.

410

Kalibo, Aklan— Kapin sa 276 ka mga stalls ro natigayon nga masunog sa Kalibo Public Market kaina it aga-aga. Base sa ginhiwat nga press conference it LGU Kalibo nga nagapadayon pa ro imbestigasyon it mga otoridad sa nageuntad nga insidente. Bangud sa indi pa makabaligya ro mga apektadong negosyante, magapatawag man it meeting ro LGU makaron nga hapon para maestoryahan ro temporary relocation it mga raya. Nasayuran nga kapin sa 346 ro kabilugan nga stalls sa tindahan kung sa siin 276 ro nasunog. Madumduman nga umabot sa 3rd alarm ro nasambitan nga sunog nga ginrespondehan it 10 ka mga fire station sa bilog nga probinsiya. Matapos ro sunog insigida nga nagdeklara it State of Calamity ro LGU Kalibo ku domingo para magamit ro 5 percent it annual budget for response and preparedness. Pagagamiton ro pondo para sa relief operations financial assistance it mga nagatrabaho ag negosyante sa tindahan kamana man sa pagpreparar it relocation. Ginklaru it MSWD nga indi pa sanda makatao it eksaktong figure kung pila ro igatao nga kantidad bangud owa pa natapos ro andang validation. Sa pihak nga parte naga abot eon sa P35 million ro balor it danyos sa nasambitan nga sunog ag ginaeauman nga magataas pa raya. #TatakRMN

Facebook Comments

From Advertisers