Tampakan, South Cotabato — Anaa sa 27 mil ka punuan sa marijuana ang naibot sa mga personahe sa Tampakan PNP sa tri-boundaries sa Sitio Alyong, Barangay Danlag, Tampakan; Sitio Lapla, Barangay Kimlawis, Davao del Sur ug Sitio Lamalis, Barangay Datalblao, Columbio, Sultan Kudarat, niadtong nakalabayng adlaw.
Sumala sa kapulisan usa ka marijuana plantation ang nakaplagan sa maong lugar diin ang maong mga marijuana ang fully grown na.
Pakyas usab ang kapulisan nga masikop ang gikaingong care taker sa maong marijuana plantation nga si Gugwelin Macondon, nga residente sa Sitio Datal Alyong sa maong barangay.
Gilayon man nga gisunog ang mga narekober nga marijuana samtang uban niini ang gidala sa kapulisan kansa gamiton isip ebidensya sa sa pagpasang-at ug kaso.
Sa karon giandam na ang pagpasang-at ug kaso batok sa gikaingong nagtanum sa maong marijuana.
