28 anyos nga nag-atubang ug duha ka managlahing kasong lugos, dakpan!

35
Handcuffs

General Santos–Arestado pinaagi sa Warrant Of Arrest Operation ang usa ka Jordan Alberca, 28 anyos nga residente sa Brgy. Rio Del Pilar, Glan, Sarangani Province kansa nag-atubang ug kasong Lugos. Sumala kang Police Capt. Brent Ian Salazar, hepe sa Police Station 4 nga alas 11:00 pasado ang takna sa gabii dihang ilang gihimo ang operasyon, kaabag nila ang Glan Municipal Police Station human silang nakadawat ug impormasyon nga anaa sa iyahang panimalay ang suspek.
Matud ni Police Capt. Salazar nga dunay nang gipangita ang suspek gumikan sa kasong rape by sexual assault nga nahimo niini dinhi sa dakbayan sa Gensan. Samtang nasayran nga aduna pa kini laing warrant of arrest gumikan gihapon sa kasong rape.
Ang usa ka kaso niini ang adunay girekomendang pyansa nga 200, 000 pesos samtang ang laing usa ka kaso walay girekomendang pyansa. Makonsidera na matud pa nga notoryus ang nasangpit nga suspek. Sa karon, ginahulat nalang nila nga mugawas ang commitment order sa suspek aron hingpit na kining mabalhin sa Gensan Reformatory Center.(LVR)

Facebook Comments