Depression ang ginapatihan rason sa paghikog sang isa ka 29-anyos nga lalaki sa Purok Mabinuligon, Brgy. Liwanay, Banga South Cotabato sang Nobyembre 7 subong nga tuig.
Ginkilala ang biktima kay Felomino Carbonel Ermio, 29 –anyos, single kag residente sang nasambit nga lugar.
Suno sa utod nga si Marjune Ermio alas 6:00 sang aga sa amo nga adlaw nasapwan niya na lamang ang utod nga wala na sang kabuhi nga nagabitay sa balayan sang ila nga balay gamit ang nylon rope nga ginhigot sa iya nga leog .
Ginpahayag naman sang iya nga amay nga ang iya bata ang depress tungod nag-away sila sang iya nga nobya nga yara sa abroad nga posible kabangdanan sa paghikog sini.
Facebook Comments
