29 anyos nga lalaki patay matapos gintiro ang kaugalingon

34

Wala na sang kabuhi kag dugu-on samtang nagahigda sa iya katre ang isa ka 29 anyos nga lalaki sa Villa Lucasan Subdivision, Barangay Mandalagan syudad sang Bacolod kaina sang hapon.

Base sa imbestigasyon, ang biktima (hungod nga gintago sang DYHB ang ngalan bilang pagrespeto sa pamilya) ang nagatrabaho bilang IT staff sang Corazon Locsin Montelibano Memorial Regional Hospital kag nag-pauli ini kaina mga las Dos sang hapon halin sa trabaho para updan ang iya nga utod.


Nagpabakal pa ini sang ilimnon para mag-inom inom upod sa iya mga himata apang ini ang nagsulod sa iya nga kwarto kag ginpatihan nga ini ang nagpahuway.

Mga las kwatro sang hapon sang may nabatian nga lupok ang mga kaingod nga balay apang wala ini ginsapak sang iya utod kag bayaw.

Sang wala na makagwa sa kwarto ang biktima, ginsulod ini sang iya utod kag ila nakit-an nga may dugo na nga nagagwa sa iya ilong samtang nagahigda sa katre kag ini ang wala na sang kabuhi.

Padayon pa ang imbestigasyon sang mga kapulisan kun ano ang rasun sang pag-suicide sang biktima.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>




Facebook Comments