29 ka mga benipisyaryo sa Bukidnon, nakadawat og ayuda gikan sa DSWD 10

51

Nakadawat og tag P15,000 nga cash assistance ang 29 ka mga benipisyaryo sa probinsya sa Bukidnon ubos sa programang Livelihood Assistance Grant (LAG) sa Department of Social Welfare and Development (DSWD) Field Office X.

Gikatahong 25 niini nga nakadawat sa Malaybalay City samtang laing upat (4) sa dakbayan sa Valencia.


Tumong sa maong programa sa DSWD X nga makapondar sa ilang panginabuhian ang mga benipisyaryo nga labing naapektuhan sa pandemya.

Sumala ni DSWD Field Office X Regional Director Mari-Flor A. Dollaga nga ang maong assistance usa ka outright grant ug walay obligasyon ang mga benipisyaryo nga bayaran kini apan kinahanglan nga mag liquidate aron masiguro nga anaay kapaingnan ang ayuda nga nadawat.

Sa laing bahin, miabot sa 128 ka mga benipisyaryo ang nakadawat sa mga ayuda sa tibook rehiyon X diin 99 niini nadawat sa mga taga Iligan City samtang 29 ang sa probinsya sa Bukidnon.

Facebook Comments