2nd degree burn naangkon sa 54 anyos human nasunog nag ilang balay

14

General Santos City–Gikabutyag ni SFO1 Jason Bato ang Arson Investigator sa BFP Gensan nga moabot sa kapin 10,000 mil ka pesos ang damyos sa pagkasunog sa panimalay ni Cerelo Bedra Ala 1:17 ang takna sa buntag nga anaa nahimutang sa Purok Malipayon, Brgy.San Isidro ning syudad.

Sumala pa ni Bato nga gilamoy na sa kalayo ang tibuok balay og naugdaw na dihang nahidangat sila sa lugar gumikan kay ginama lamang sa Light Materials ang maong panimalay.

Samtang pagbutyag man usab ni SFO1 Jayson Bato nga nakit-an sa apo ang biktima nga misuway sa pagpalong sa kalayo apan wala na matabang pa gumikan sa kadako na sa kalayo ang milamoy sa maong balay.

Saysay usab ni Bato nga nakaangkon og second degree sa sunog sa tibuok lawas ang biktima human kining matrap sulod sa balay dihang iyang gisuwayan ug luwas ang ilang mga gamit.

Gilayon usab gidala sa iyang mga kabanay sa Dr. Jorge Royeca Hospital ang biktima alang sa iyang medikasyon.

Sa kasamtangan padayon ang gihimong follow-up nga imbestigasyon sa mga personahe sa maong buhatan aron masuta kung asa gayud nagsugod ang kalayo og unsa ang hinungdan sa maong sunog.

Facebook Comments